Մադրիդյան սկզբունքները հնարավորություն են տալիս հասնելու արդար կարգավորման. Հայաստանի նախագահ

Principios Madrileños

Հայկական կողմը դեռեւս 2007թ. հայտարարել է, որ այն սկզբունքները, որ դրվել են Մադրիդյան սկզբունքների հիմքում, հնարավորություն են տալիս հասնելու արդար կարգավորման` ուժի կամ դրա սպառնալիքի չկիրառման, պետությունների տարածքային ամբողջականության, ազգերի ինքնորոշման: Այս մասին այսօր` հունիսի 22-ին ԵԽԽՎ-ում պատասխանելով ԵԽԽՎ պատվիրակների հարցերին, հայտարարել է Հայաստանի նախագահ Սերժ Սարգսյանը:

«Խնդիրն այն է, որ մենք այդ սկզբունքները հասկանում ենք մի կերպ, ադրբեջանցիներն` այլ կերպ: Ադրբեջանցիները վերջին տարիներին, բոլոր պաշտոնյաների, ընդհուպ մինչեւ նախագահի բերանով հայտարարում են, որ պատրաստ են ռազմական եղանակով հասնելու խնդրի կարգավորան: Դա առաջին սկզբունքի խախտում է:

Երկրորդ սկզբունքի հարցում մեզ համար հարցական չկա: Հայաստանի կառավարությունը երբեք տարածքային պահանջներ չի ներկայացրել ոչ միայն Ադրբեջանին, այլեւ որեւէ այլ երկրի: Այդ պատճառով էլ Հայաստանը դեռ չի ճանաչել Լեռնային Ղարաբաղի անկախությունը:

Ազգերի ինքնորոշման սկզբունքը մեզ համար հասկանալի է, ընդունելի է, դա հնարավորություն տվեց վերջին տարիներին մի քանի տասնյակ պետություններ ստեղծել»,- նշել է Հայաստանի նախագահը:

Նրա ներկայացմամբ, ադրբեջանցիներն այլ կերպ են մտածում: «Ադրբեջանցիներն ասում են, թե ընդունում են այդ սկզբունքները, այդ թվում ազգերի ինքնորոշման սկզբունքը, բայց կոնկրետ դեպքում, իրենց սահմաններում: Մենք ասում ենք, որ դա խուզած ինքնորոշում է:

Ինքնորոշումը պետք է լինի այնպիսին, որ հնարավորություն տա ինքնուրույն լուծել իր ճակատարգիրը: Մադրիդյանը սկզբունքների էությունն այն է, որ չեն կարող չընդունվել: Մենք որեւէ վերապահում չունենք»,- ընդգծել է Սերժ Սարգսյանը:

 

Լուրեր Հայաստանից – NEWS.am

Deja un comentario

Tu dirección de correo electrónico no será publicada. Los campos obligatorios están marcados con *


× seis = 36