Հերոսական պատմությունը «Հերոսական բալլադ» համերգ-ներկայացման առանցքն էր

Hotel Marriot, Erevan, Armenia

ՀՀ Անկախության 20-րդ տարեդարձը նշանավորվեց բացառիկ համերգ-ներկայացմամբ

Տասնամյա Արեգն առավոտյան սովորականի նման դպրոց է շտապել: Սեպտեմբերի 21-ին նրա ոգևորությունն այնքան մեծ էր, որ փորձերն ու ոչ լիարժեք քունը բնավ հոգնություն չէին պատճառել: Ուսուցիչներն էլ էին հուզված. իրենց աշակերտը «Հերոսական բալլադ» համերգ-ներկայացման դերակատարն էր ու օրվա սիրելին:

Առնո Բաբաջանյանի «Հերոսական բալլադ» ստեղծագործության հնչյունների ներքո եռաչափ գրաֆիկայի շնորհիվ հրապարակը եզերող շենք-էկրաններին հայտնվեցին եռագույնը ձեռքին երեխայի պատկերները: Հազարավոր հանդիսականների հայացքների ներքո եռագույնը ծածանող հերոսը կտրեց հրապարակը ոլորող շենքերն ու վառ լույսերի ներքո կառավարության շենքի տանիքին մարդիկ ողջունեցին կերպարը մարմնավորող Արեգին, ով հազարավոր ծափերի ուղեկցությամբ բարձրացրեց եռագույնը:

«Երբեք այդքան մարդ չէի տեսել: Շատ ուրախ էի ու հպարտ: Այսօր էլ բոլոր ուսուցիչներս ասացին, որ հուզվել էին ինձ տեսնելով»,-պատմում է Արեգը:

Ավելի քան երեք ամիս ստեղծագործական կազմը պատրաստվում էր «Հերոսական բալլադ» համերգ-ներկայացմանը: Համերգի բեմադրող ռեժիսոր Արամ Սուքիասյանն օրեր շարունակ դիտել է տասնյակ ֆիլմեր` ընտրելու այն կադրերը, որոնք պետք է ցուցադրվեին համերգի ընթացքում: Հատուկ «Հերոսական բալլադ» համերգ-ներկայացման համար «Բարեկամություն» անսամբլի գեղարվեստական ղեկավար Նորայր Մեհրաբյանը բեմադրել էր համերգային համարներ, որոնք կատարեցին «Բարեկամություն» անսամբլն ու Թաթուլ Ալթունյանի անվան Հայաստանի երգի-պարի պետական անսամբլը: Շուրջ մեկ ամիս հայ և ֆրանսիացի մասնագետներն աշխատում էին Հանրապետության հրապարակում, որպեսզի սեպտեմբերի 21-ը նշանավորվեր ոչ միայն  բարձարժեք երաժշտությամբ, այլև տպավորիչ համարներով:

«Փայլուն համերգ էր: Հազարավոր մարդիկ հնարավորություն ունեցան լսելու իսկապես արժեքավոր երաժշտություն: Լուսային ցուցադրությունները ցնցող էին: Հզոր երկրի մայրաքաղաքի համերգ էր»,-ասաց է Պերճ Զեյթունցյանը:

Հայաստանի ֆիլհարմոնիկ նավագախմբի կատարմամբ (գեղարվեստական ղեկավար Էդուարդ Թոփչյան) համերգն սկսվեց Ա. Տերտերյանի երկրորդ սիմֆոնիայի հատվածի կատարմամբ: Ընդամենը երկու ժամվա ընթացքում մարդիկ հիացան հայկական տառերի գեղեցկությամբ և Ավարայրի քաջերի խիզախությամբ, արժևորեցին միջնադարյան վերածննդի արժեքը, վերապրեցին կորսված հայրենիքի ցավն ու Մայիսյան հաղթանակների բերկրանքը և վերհիշեցին քսանամյա Հայաստանի Հանրապետության իրենց ուղին:

«Շշմեցուցիչ էր: Հիանալի համերգ էր: Հրաշալի գաղափար էր ներկայացնել մեր պատմությունը ոգեղեն երաժշտության միջոցով: Երաժշտությունը հնչում էր նոր ուժով», – նշեց Երեւանի Ստանիսլավսկու անվան պետական ռուսական դրամատիկական թատրոնի գեղարվեստական ղեկավար Ալեքսանդր Գրիգորյանը:

Հայաստանի պետական ֆիլհարմոնիկ նվագախմբի ուղեկցությամբ կենդանի հնչողությամբ հայ դասական կոմպոզիտորների ստեղծագործությունները կատարեցին Հայաստանի պետական ակադեմիական երգչախումբը (գեղարվեստական ղեկավար Հովհաննես Չեքիջյանը) և Հայաստանի Հանրապետության նախագահի պատվո պահակախմբի փողային նվագախումբը (գեղարվեստական ղեկավար Արմեն Պողոսյան):

«Հրաշալի դասական համերգ էր: Ինձ շատ դուր եկավ: Լուսային էֆֆեկտները և լազերային շոուն բացառիկ էր»,-նկատեց ՀՀ ժողովրդական արտիստ Վանուշ Խանամիրյանը:

Եռաչափ գրաֆիկայի, լազերային ցուցադրության, կրակի և շատրվանների միակցված պատկերների ու հրավառության ուղեկցությամբ ընթացող համերգն ավարտվեց հատուկ տոնի առթիվ գրված Ռոբերտ Ամիրխանյանի «Ծնրադիր երդվում եմ քեզ» երգով:

«Ազգապատում համերգ էր: Հիացած եմ: Հոգևոր զտանք կար: Տպավորիչ էր լույս ու ստվերի խաղը: Իսկապես գեղեցիկ էր: Նման համերգ մինչ օրս չէի տեսել»,-ասաց գրող, հրապարակախոս Մերուժան Տեր-Գուլանյանը:

 

Լրացուցիչ տեղեկությունների համար դիմել ՀՀ Անկախության 20-րդ տարեդարձի միջոցառումների հանրային կապերի պատասխանատու Արևիկ Բադալյանին` 091 512806, 010 586046, 20hhpress@gmail.com, press@20hh.am:

 

 Cruz Armenia, Ereván, Armenia Fuegos Artificiales, Plaza de la República de Armenia, Ereván

www.armspain.com

Deja un comentario

Tu dirección de correo electrónico no será publicada. Los campos obligatorios están marcados con *


tres − = 1